Bruçaj: Islami nuk ka lidhje me terrorizmin, dënojmë sulmet në Bruksel

Ngjarja e rëndë e ndodhur në Bruksel ka sjellë edhe reagimin e kreut të Komunitetit Mysliman, Skënder Bruçaj. Ai ka dënuar me forcë sulmet, duke shtuar se islami nuk ka lidhje me dhunën dhe terrorin.

“Aktet terroriste dhe terrori kanë goditur përsëri. Mallkuar qoftë terrori dhe gjithë aktet terroriste dhe të gjithë ata njerëz që luftojnë në emër të terrorit. Feja myslimane gjatë gjithë kohës e ka dënuar hapur terrorin dhe një fe që do të thotë paqe. Terrori nuk ka fe, nuk ka lidhje me fenë sidomos me fenë islame”, deklaroi Bruçaj.