BRUKSEL – Kallas: BE-ja do të mbështesë një armëpushim energjetik Rusi-Ukrainë

BRUKSEL, 12 tetor /ATSH-AFP/ – Bashkimi Evropian është gati të mbështesë një armëpushim në sulmet ndaj infrastrukturës energjetike midis Rusisë dhe Ukrainës sapo të zbatohet, pohoi sot shefja e tij e politikës së jashtme, Kaja Kallas.

“Sigurisht, ne do ta mirëpresim armëpushimin sapo të zbatohet”, deklaroi ajo para fillimit të një takimi të ministrave të Jashtëm të BE-së në Luksemburg.

“Nuk jemi ende të sigurt nëse Rusia do ta zbatojë”, shtoi ajo.

Ka hyrë në fuqi menjëherë, një armëpushim energjetik është në fuqi në luftën midis Rusisë dhe Ukrainës, njoftoi presidenti amerikan, Donald Trump në platformën e tij Truth Social.

”Të dyja palët kanë rënë dakord. Mos e shkelni atë”, theksoi ai.

Ndërkohë, presidenti ukrainas, Volodymyr Zelensky deklaroi se nuk ishte në dijeni.

“Njoftimi i armëpushimit ishte lajm për mua. Por, nëse rusët pranojnë një armëpushim energjetik, Ukraina do ta pranojë atë. Nëse presidenti Trump e negocioi atë me Putinin – ju lutemi na tregoni se kur do të fillojë armëpushimi”, sipas Zelenskyt, cituar nga gazetari Barak Ravid.

”Ne jemi gati dhe do ta pranojmë atë”, shtoi Zelensky./ a.jor.