BRUKSEL – Von der Leyen: Migracioni sfidë e gjithë BE-së

BRUKSEL, 3 gusht /ATSH-ANSA/- Presidentja e Komisionit Evropian, Ursula von der Leyen, ka deklaruar se migracioni është një sfidë që prek të gjithë Bashkimin Evropian dhe se kërkon një përgjigje të përbashkët nga vendet anëtare.

”Migracioni është një sfidë që prek të gjithë Bashkimin Evropian dhe kjo gjë kërkon një përgjigje të përbashkët nga vendet anëtare”, thuhet në një letër drejtuar kryeministrit spanjoll, Pedro Sanchez nga Von der Leyen.

”Solidariteti mes shteteve të BE-së është thelbësor për të përballuar flukset migratore dhe për të menaxhuar situatën në mënyrë efektive”, thekson ajo.

Ajo nënvizon se është e nevojshme të dyfishohen përpjekjet në nivel evropian, duke forcuar bashkëpunimin dhe mekanizmat e përbashkët për menaxhimin e migracionit.

Presidentja e Komisionit Evropian siguron gjithashtu se Spanja mund të mbështetet te Komisioni Evropian, duke riafirmuar angazhimin e institucionit për të ndihmuar vendet që përballen me presion të shtuar migrator.

Deklarata vjen në një kohë kur Spanja po përballet me rritje të mbërritjeve të emigrantëve në territorin e saj, ndërsa çështja e migracionit mbetet një nga temat më të ndjeshme në agjendën politike të Bashkimit Evropian./  /Ad.Ab./ a.jor.