Bullgari: Viti 2016 nuk do të jetë kthesë për ekonominë bullgare

Viti i tanishëm do të jetë viti i tetë nga depresioni i dytë i madh, gjatë të cilit shpresat për rritje ekonomie mezi do të realizohen. Pritet, që viti 2016 të ripërtërijë rezultatet e dy viteve të mëparshme. Këtë e parashikoi profesori Krëstjo Petkov, pedagog i sociologjisë dhe i ekonomisë, ish lider i Konfederatës së Sindikatave të Pavarura në Bullgari, në një intervistë për Radion Kombëtare Bullgare. Sipas tij viti nuk do të jetë kthesë, sepse motori i rritjes u ndërpre. “Të ardhurat e bullgarëve në sfondin e zhvillimeve në Evropë, edhe gjatë krizës, duken të ngrira dhe asnjeri nuk përpiqet të shkrijë, që t’i jepet shtytje ekonomisë nëpërmjet rrogave, pensioneve dhe konsumimit”, mendon zoti Petkov. Ndër rekomandimet ndaj qeverisë janë kufizimi i sektorit informal nëpërmjet kontrollit më të mirë të shlyerjes së tatimeve dhe kalimi gradual nga tatimi i sheshtë te ai progresiv, gjë që do të shtojë të ardhurat në buxhetin shtetëror.