Bullgari: Zgjedhjet presidenciale, të dhënat paraprake të Komisionit Qendror Zgjedhor për rezultatet e zgjedhjeve

Komisionit Qendror Zgjedhor shpalli të dhënat paraprake për zgjedhjet presidenciale në Bullgari, të cilat u zhvilluan dje – më 6 nëntor. Janë përpunuar 66,55% të procesverbaleve të komisioneve zonale të administrimit të zgjedhjeve në shtet dhe 54,60% të atyre jashtë shtetit. Përkrahja më e madhe është për gjeneralin Ruman Radev – kandidatin e Partisë Socialiste Bullgare – 25,67% prej votave. Në vend të dytë është kandidatja e partisë qeverisëse GERB Cecka Caçeva me 22,02%. Në vend të tretë është kandidati i koalicionit të “Patriotëve të Bashkuar” Krasimir Karakaçanov – 15,10%. 5,68% prej votuesve kanë zgjedhur katroren “Nuk përkrah askënd”. Pas përfundimit të ditës zgjedhore Rumen Radevi komentoi se Bullgarët i kanë thënë “Jo” apatisë, duke votuar për ndryshim. Kryeministri Borisov tha se do të japë dorëheqje, në rast të humbjes së kandidates së tij Cecka Caçeva në balotazh. Krasimir Karakaçanov nga “Patriotët e Bashkuar” nuk përkrahi askënd prej pretendentëve në raundin e dytë.  Rezultatet përfundimtare do të shpallen nga Komisioni Qendror Zgjedhor brenda 48 orëve pas përfundimit të ditës elektorale.

Ndërkohë, rezultatet ndërmjetëse të Komisionit Qendror Zgjedhës për referendumin kombëtar, të zhvilluar gjatë ditës së diel, tregojnë se shumica  prej zgjedhësve janë përgjigjur bindshëm mbi të tria pyetjet e drejtuara. 73,84% janë “pro” zgjedhjes së deputetëve përmes sistemit mazhoritar zgjedhës me një shumicë absolute në dy rrethe. 63.7% e përkrahin aplikimin e votimit të detyrueshëm në zgjedhjet dhe referendumet. Pyetjes nëse e përkrahin subvencionin shtetëror vjetor, të lëshuar për financimin e partive politike dhe koalicionet, të jetë 1 levë dhe jo 11 leva si deri tani, kundrejt një zëri të fituar real në zgjedhjet e fundit parlamentare, me “po” përgjigjen 73.6% nga njerëzit të cilët kanë votuar.