Burnley nisi grumbullimin të hënën me trajnerin e përkohshëm, Broja s’paraqitet, e ardhmja mbetet ende mister

Përgatitjet për sezonin e ri kanë nisur të hënën e 29 qershorit te Burnley, por Armando Broja nuk është paraqitur nën urdhërat e Mike Jackson. Ky i fundit, edhe pse u zgjodh dy muaj më parë si trajner i përkoshëm pas shkarkimit të Parker, ka nisur punën për sezonin e ri pasi shoqëria është ende në kërkim të një menaxheri të ri.

Nga miqësorja e parë e Burnley-t na ndajnë shumë pak ditë pasi ekipi i Brojës do të jetë pjesë e një turneu në SHBA ku do të luajë tri ndeshje me skiuadra si FC Cincinnati, Columbus Crew dhe Real Salt Lake.

Pas këtij turneu Burnley do të zhvillojë edhe tri takime të tjerë në Europë. Më 26 korrik do të ndeshet me Ajax ndërsa tre ditë më vonë pret klubin që zotërohet nga i njëjti president, Espanyol.

Për të nisur përgatitjet për sezonin e ri ditën e djeshme u prezantuan plot 22 futbollistë. Ndërkohë që spikati mungesa edhe e disa të tjerëve.

Sipas klubit britanik Hjalmar Ekdal, Axel Tuanzebe, Shurandy Sambo, Hannibal, Zeki Amdouni dhe Lyle Foster u është dhënë leje e veçantë pasi kanë qenë të impenjuar me kombëtaret respektive në Kupën e Botës.

Ndërsa një tjetër grup futbollistësh, i cili përveç Armando Brojës përbëhet edhe pse elemëntësh si Jordan Beyer, Bashir Humphreys, Quilindschy Hartman, Oliver Sonne, Mike Tresor dhe Ashley Barnes nuk janë paraqitur pasi sipas klubit janë në bisedime sa u përket kontratave respektive. A.V.