Capello i shqetësuar: Amorim, hap i dyfishtë në boshllëk. Nuk e njeh Serie A, Milani në konfuzion

“Milani i Amorim? Është një hap i dyfishtë në boshllëk, si për të, ashtu edhe për kuqezinjtë”. Fabio Capello, ish-trajner historik (Milan, Real Madrid, Angli e të tjera) dhe sot opinionist televiziv, nuk bën kompromis në intervistën për “Gazzetta dello Sport”. Tema është zgjedhja e Ruben Amorim si trajner i Milanit pas largimit të Massimiliano Allegrit, me firmën e kontratës deri në 2028:

“Kam dëgjuar shumë emra, të gjithë të ndryshëm mes tyre në kombësi, stil loje, ide. Mendoj se kjo tregon konfuzionin që mbizotëron te Milani. Amorim që kam parë në Lisbonë më kishte bindur, por duhet parë edhe puna e tij në Manchester. Më duket sikur gjithçka i është lënë pak rastësisë”.

Duke folur për dy eksperiencat e ndryshme të portugezit te Sporting Lisbona dhe Manchester United, 79-vjeçari shton: “Duhet t’i shpjegojnë se Milani është klub me histori që duhet respektuar dhe nderuar. Te United nuk arriti të hynte në mendjen e lojtarëve, te Milani duhet ta bëjë. Është një hap në boshllëk për të dyja palët. Milani merr një trajner që nuk e njeh kampionatin, edhe ai duhet të rikthehet pas një eksperience të dështuar”.