Casemiro bashkohet me Messin te Inter Miami

Inter Miami njoftoi sot se ka nënshkruar me brazilianin Casemiro. Mesfushori, pesë herë fitues i Ligës së Kampionëve, vjen si lojtar i lirë dhe do të mbetet nën kontratë deri në përfundim të sezonit MLS Sprint 2027, me një mundësi zgjatjeje deri në qershor 2029.

Përveç Messit, rivalit të tij historik në shumë ‘El Clasico’, në Florida ai do të gjejë dhe Sergio Reguilon, shokun e tij të skuadrës te Reali dhe Unitedi.

“Ajo që më motivon më shumë, dhe mendoj se kjo është e vërtetë për çdo lojtar, është fitorja dhe vazhdimi i rritjes. Projekti që klubi më paraqiti, së bashku me përpjekjet që të gjithë bënë për të më sjellë këtu, do të thotë shumë për mua”.

“Jam jashtëzakonisht mirënjohës dhe mezi pres të filloj në mënyrë që të mund ta shpërblej atë besim, jo vetëm gjatë 90 minutave të ditës së ndeshjes, por edhe çdo ditë në stërvitje. E tëra çfarë mund të them është faleminderit dhe do të jap gjithçka që kam për të shpërblyer dashurinë dhe besimin që Klubi më ka treguar”, tha Casemiro.