CENTCOM: 133 anije tregtare të ridrejtuara përmes Hormuzit në kuadër të bllokadës ndaj Iranit

Komanda Qendrore e Shteteve të Bashkuara (CENTCOM) njoftoi të premten se ka ridrejtuar 133 anije tregtare përmes Ngushticës së Hormuzit, si pjesë e bllokadës “të hekurt” ndaj Iranit, siç njofton Al Jazeera në liveblog-un e saj.

Njoftimi u shoqërua me një postim në X ku shihet një helikopter i Marinës amerikane duke u ngritur nga anija USS John Paul Jones. Sipas CENTCOM-it, operacioni synon të mbajë të hapur ngushticën strategjike pavarësisht sulmeve të vazhdueshme ndaj cisternave në javët e fundit.

Kontrolli i Hormuzit mbetet pika më e diskutueshme e bisedimeve të bllokuara mes Uashingtonit dhe Teheranit, ndërsa Irani këmbëngul se ngushtica nuk do të rihapet plotësisht pa plotësimin e kushteve të tij.