De La Fuente replikon me kritikët: Një barazim nuk na bën një ekip skarco, do të vijojmë rrugën tonë

Pavarësisht se mbërritën si favoritë të qartë për të marrë fitoren, Spanja barazoi kundër Kepit të Gjelbër në debutimin e tyre në Kupën e Botës. Një rezultat zhgënjyes që edhe sot, pas 3 ditësh, vijon të prodhojë kritika ndaj trajnerit Luis de la Fuente dhe skuadrës së tij.

Në prag të ndeshjes që Spanja do të luajë ndaj Arabisë Saudite, trajneri ka vendosur të mbrojë performancën e ekipit të tij, duke e bërë të qartë pikëpamjen e tij. “Jam plotësisht dakord me zhurmën dhe kritikat, por kjo skuadër është e besueshme sido që të jetë”, tha De La Fuente.

“Kemi 32 ndeshje pa humbje. Kjo është një skuadër që, bazuar në shifra, është jashtëzakonisht e besueshme. Do të jemi më të mirë në ndeshjen tjetër, kjo është e sigurt. E dimë sa e vështirë është ky lloj kompeticioni. Do të vazhdojmë në rrugën që na ka sjellë këtu”, tha trajneri.