Demarkacioni, DASH: Kontribuon për paqen dhe stabilitetin e Ballkanit

Departamenti Amerikan i Shtetit ka përshëndetur arritjen e qeverive të Kosovës, Malit të Zi dhe Bosnje dhe Hercegovinës, për marrëveshjen e demarkacionit të kufijve ndërkombëtar. DASH i quan këto marrëveshje si kontribuese për paqen dhe stabilitetin në Ballkan.

“Shtetet e Bashkuara përshëndesin qeveritë e Bosnje dhe Hercegovinës, Kosovës dhe Malit të Zi për firmosjen e marrëveshjes së demarkacionit të kufijve ndërkombëtar mes Bosnjes dhe Malit të Zi dhe Malit të Zi dhe Kosovës. Këto marrëveshje, të firmosura gjatë samitit të Ballkanit Perëndimor, do të kontribuojnë në paqen dhe stabilitetin e Ballkanit dhe për progresin e rajonit drejt integrimit euroatlantik”, thuhet në deklaratën e DASH.