Digjet makina e një gazetari në Bulqizë, policia: Dyshohet për djegie të qëllimshme, vijojnë hetimet

Një mjet është përfshirë nga flakët gjatë natës në Bulqizë. Mësohet se rreth orës 02:58, pronari i mjetit tip “Ford Fiesta” ka konstatuar se makina është

Një mjet është përfshirë nga flakët gjatë natës në Bulqizë. Mësohet se rreth orës 02:58, pronari i mjetit tip “Ford Fiesta” ka konstatuar se makina është përfshirë nga flakët. Mjeti mësohet se ishte i parkuar pranë banesës së tij.

Policia njofton se pronari i mjetit ështe gazetar dhe se dyshohet për djegie të qëllimshme. Grupi hetimor ka nisur hetimet për zbardhjen e ngjarjes dhe identifikimin e autorit/ve.

“Bulqizë/Informacion paraprak. Rreth orës 02:58, të datës 26.04.2026, shërbimet e Policisë janë njoftuar nga shtetasi S. C., banues në Bulqizë (me profesion gazetar), se automjeti i tij tip “Ford Fiesta” ishte përfshirë nga flakët, ndërkohë që ishte i parkuar pranë banesës së tij.

Menjëherë pas marrjes së njoftimit, shërbimet e Policisë, grupi hetimor dhe shërbimi zjarrfikës kanë shkuar në vendngjarje.

Grupi hetimor, nën drejtimin e Prokurorisë, po vijon intensivisht veprimet për zbardhjen dhe dokumentimin ligjor të rastit, identifikimin dhe vënien para përgjegjësisë ligjore të autorit/ve, pasi paraprakisht dyshohet për djegie të qëllimshme. Materialet do t’i kalojnë Prokurorisë për veprime të mëtejshme”, njofton policia.