Dimitrov vizitë zyrtare në Tiranë, takime me krerët e shtetit

Me ftesë të ministrit të Jashtëm Ditmir Bushati,  Ministri i Punëve të Jashtme i Republikës së Maqedonisë, Nikola Dimitrov,  do të zhvillojë të martën një vizitë zyrtare në vendin tonë.

Agjencia e lajmeve MIA raporton se në kuadrin e vizitës, Dimitrov pritet të takohet me Kryeministrin Edi Rama dhe me Presidentin e Republikës së Shqipërisë, Ilir Meta.

Në njoftimin për shtyp të Ministrisë së Punëve të Jashtme bëhet e ditur se “ në orën 10:00, Ministri i Punëve të Jashtme, Ditmir Bushati, do të presë në ambientet e  MPJ, Ministrin e Punëve të Jashtme të Maqedonisë, Nikola Dimitrov. Në përfundim të takimit të dy ministrat do të kenë një konferencë të përbashkët për shtyp”.