Dita e pestë, ndërpritet përkohësisht operacioni antikanabis në Dukagjin, nis sërish nesër

Policia e shtetit ka ndërprerë përkohësisht operacionin antikanabis të ndërmarrë në veri të vendit për të rinisur sërish nesër. Mësohet se shkak i ndërprerjes së këtij superoperacioni në ditën e tij të pestë, ku vetëm gjatë së dielës janë asgjësuar 2300 rrenje kanabis ndërsa në total janë 72 mijë rrënjë të asgjësuara është fakti se drejtuesit e policisë që po drejtojnë këtë operacion janë thirrur në takim nga kreu i qeverisë Edi Rama.

Ministria e Brendshme e cilësoi këtë operacion të dytin për nga rëndësia pas Lazaratit, ndërsa si drejtori i policisë, Artan Didi ashtu edhe ministri i Brendshëm Sajmir Tahiri shprehën vendosmërinë për t’i shkuar deri në fund këtij operacioni.