Do dëshmoj si kallëzues i çështjes në gjyqin “Partizani”, Balla nga GJKKO: I qëndroj kallëzimit tim, ditë e madhe për Shqipërinë

Kreu i Grupit Parlamentar të PS-së dhe njëkohësisht edhe kallëzuesi i çështjes për dosjen “Partizani”, Taulant Balla, është paraqitur këtë të enjte në

Kreu i Grupit Parlamentar të PS-së dhe njëkohësisht edhe kallëzuesi i çështjes për dosjen “Partizani”, Taulant Balla, është paraqitur këtë të enjte në GJKKO si i thirrur për dëshmitar. Balla është ndalur përpara hyrjes për t’u përgjigjur gazetarëve. Kreu i grupit të PS-së e ka komentuar këtë zhvillim si një ditë e madhe për Shqipërinë, që sipas tij po shkojnë në bankën e të akuzuarve zyrtarë të lartë për korrupsion.

“Unë besoj se shqiptarët sot kanë më shumë besim tek drejtësia dhe drejtësia është një institucion që po forcohet dita-ditës, ajo që mendoj unë që politikanët që vijnë këtu duhet që mbështesin drejtësinë, punën e SPAK, të cilët po çmontojnë korrupsionin shumëvjeçar në Shqipëri. Që nga viti 1912 kur shqiptarët bënë shtetin e parë, Shqipëria s’ka qenë kurrë më afër Europës se sot. Arsyeja është reforma në drejtësi, që ka kthyer besimin tek drejtësia. Pritshmëria jonë që të mbyllim negociatat brenda 2027-ës është e vërtetë.

A i qëndroj kallëzimit tim? Këta që i ke në bankë të akuzuarve kanë kallëzuar për shpifje në 2012. Këtij kallëzimi i qëndroj fjalë për fjalë, rasti tipik i korrupsionit të zyrtarit të lartë.”-tha Balla.