Drama Leicester! 10 vjet më parë kampion në Premier League, tani në kategorinë e 3-të

Në Championship është firmosur “funerali” i Foxes, që kanë përfunduar në League One pas barazimit në shtëpi me Hull City. Ka ndikuar edhe penalizimi me 6 pikë në muajin shkurt.

Në një jetë tjetër, më 2 maj në Leicester ka pasur festime. Pas pak ditësh bëhen 10 vjet nga ai titull kampion i pabesueshëm në historinë e futbollit, jo vetëm në Premier League. Ishte skuadra e trajnerit Ranieri, e “Dilly-ding, dilly-dong”, e përrallës Vardy, e Mahrez e Kante.

E ndërsa sot shënohet “funerali” i Foxes. Leicester ka rënë në kategorinë e tretë pas barazimit në fushën e vet me Hull City. Nga mrekullia në makth, me tragjedinë e vdekjes së pronarit të klubit, Vichai Srivaddhanaprabha në 2018-ën, kur helikopteri i tij u rrëzua.

Barazimi ndaj Hull, ndeshja e disatë pa fitore, është fotografia e një sezoni dramatik. Një kthim i dyfishtë prapa, ku ka ndikuar shumë edhe penalizimi i shkurtit me 6 pikë për shkelje rregullash në sezonin 2023-24.

Klubi bëri rekurs, që u hodh poshtë dy javë më parë. Pa atë penalizim, Leicester do të ishte ende në garë për mbijetesë, ndërsa tani nuk ka më shpresë. Foxes kanë rënë në League One dhe më 2 maj nuk do të ketë asgjë për të festuar.