Drejt mbylljes së sezonit pa trofe, Capello zbulon problemin e madh të Real Madridit

Fabio Capello ka qenë një nga figurat e shumta të sportit botëror, që mori pjesë në Madrid, në çmimet “Laureus”. Italiani u pyet për formën jo të mirë të Real Madridit, klub që e ka drejtuar në dy periudha të ndryshme.

Ai u shpreh i qartë: “Është një moment i vështirë, sepse te Real Madridi kur nuk fiton, kalon vështirësi”. Më pas shtoi: “Është një skuadër që nuk ka mesfushën që kishte më parë. Ka sulmues shumë të mirë, por mesfusha që kishte më parë, me atë cilësi, ishte spektakolare”.

Capello theksoi nevojën për përforcime: “Duhet të blejnë lojtarë të mirë, por nuk ka shumë në treg. Shiko Manchester City, kur u kthye Rodri, filloi të luajë mirw dhe të fitojë. Janë lojtarë të rëndësishëm”.

Ai shtoi se Real Madridit i mungojnë profile si Luka Modric dhe Toni Kroos: “Duhet të gjejnë lojtarë si Modric dhe Kroos, që janë thelbësorë për cilësinë dhe taktikën. Kjo ka munguar pak këtë sezon”.

Cafu: Unë nuk do të ndryshoja asgjë te Real Madridi aktual