E padit bashkia, braktis trupën gjyqtarja Metaliaj Softa

Bashkia e Tiranës paditi në prokurori gjyqtaren Enkelejda Metaliaj Softa. Ajo është një nga anëtaret e trupit gjykues për çështjen e 5 pallatave 17-katëshe tek diga e liqenit.
Padia për gjyqtaren Metalia Softa është bërë për konflikt interesi me çështjen në fjalë. Pak orë pas padisë, zonja Softa ka dhënë dorëheqjen nga trupa ku bënte pjesë.
Më herët Bashkia e Tiranës kishte paditur gjyqtarin Arjan Qafa, i cili dha gjithashtu dorëheqjen. Gjykata e zëvendësoi atë me gjyqtarin Kastriot Selita.