E trishtë, pas punishtes, banorit nga Levani i digjet edhe shtëpia

Vetëm tre ditë pasi humbi punishten ku kishte punuar për më shumë se 30 vite, Barjam Sulejmani është përballur me një tjetër disfatë. Flakët kanë përfshirë dhe shkrumbuar banesën ku ai jetonte me qira së bashku me bashkëshorten.

Si pasojë e zjarrit, çifti ka mbetur pa strehë dhe tashmë pret ndihmën e fqinjëve dhe komunitetit për të siguruar një vend ku të qëndrojë.

Sipas banorëve të zonës, dyshohet se shkak i zjarrit ka qenë një shkëndijë elektrike. Pavarësisht ndërhyrjes së menjëhershme të forcave zjarrfikëse, banesa nuk ka mundur të shpëtohet nga flakët.

Fatmirësisht, nuk raportohet për persona të lënduar, ndërsa dëmet janë tërësisht materiale. Autoritetet po punojnë për të zbardhur rrethanat e plota të ngjarjes.

E trishtë/ Pas punishtes, banorit nga Levani i digjet edhe shtëpia Vetëm tre ditë pasi humbi punishten ku kishte punuar për më shumë se 30 vite, Barjam Sulejmani është përballur me një tjetër disfat. Flakët kanë përfshirë dhe shkrumbuar banesën ku ai jetonte me qira. pic.twitter.com/SErlSUSkDn