Egnatia-Petrocub: Dede e Xhemajli: Besojmë te kualifikimi

Ditën e mërkurë, në orën 21:00, Egnatia do të luajë ndaj Petrocub, përballje e vlefshme për turin e parë të Champions League, që do të vijë për shikuesit në rrjetin e Radio Televizionit Shqiptar(RTSH1 dhe RTSH Sport). Ndeshja e parë, zhvilluar në Moldavi përfundoi 1-1, rezultat ku kualifikimi do të vendoset në Rrogozhinë. Trajneri i Egnatias, Nevil Dede foli në prag të përballjes, fillimisht duke u shprehur se skuadra tashmë është e vetëdijshme për kompeticionin, por edhe për forcën e kundërshtarit.

“Jemi të vetëdijshëm që nuk luajmë çdo ditë në Champions. Pra është një kompeticion ku mijëra futbolliste e kanë ëndërr, kështu që mendoj se përjetimi dhe gadishmëria është maksimale. E njohim kundërshtarinm patjetër, tani e njohim akoma dhe më mirë, jo vetëm ne si staf apo klub, por edhe djemtë”.

Nevil Dede foli në lidhje për gjendjen e kundërshtarit, por trajneri i ekipit rrogozhinas është besimplotë se faktori fushë do të ndikojë në arritjen e objektivist

“Kundërshtari është një ekip I organizuar që ka eksperiencën, historinë, kualitetin, por ne pretendojmë që jemi më të fortë në shtëpinë tonë. E kemi analizuar me djemtë, gjithçka që duhet të regullojmë, shpresojmë që tia dalim me sukses, unë jam i bindur që skuadra është gati”.

Me mungesën e Aleksit për shkak të kartonit të kuq të marrë në sfidën e parë, shiriti i kapitenit i ka kaluar Arbenit Xhemajlit. Qendërmbrojtësi u shpreh besimpolotë për kalimin e turit

“Kam shumë besim te ekipi, gjatë gjithë javës kam patur shumë besim, do e kalojmë këtë tur”.

Egnatia ka zhvilluar një merkato të nxehtë me emra të rëndësishëm në përbërje e sigurisht objektivi i presidencës është kalimi i turit, një presion i tillë nuk e shqetëson Arbenit Xhemajlin

“Presionin duhet ta lëmë jashtë, duhet të tregohemi të ftohtë në mendje, ndërsa në fushë zjarr”.