EITI, Shqipëria do të përfitojë 7 mln euro nga ndërtimi i infrastrukturës së TAP
Shqipëria pritet të përfitojë 7 milionë euro nga ngritja e kapaciteteve dhe kompensimi që do t’i bëhet komunitetit në zonën nga ku do të kalojë tubacioni i gazsjellësit Trans Adriaric Pipeline.Sipas të dhënave të Raportit të Transparencës së Industrisë nxjerrëse ( EITI) për periudhën 2013-2014, rezervat natyrore të gazit vlerësohen në 18,164 milionë metër kub dhe janë përqëndruar kryesisht në zonën e Kuçovës dhe Patosit. Në fund të vitit 2012 sasia kumulative e prodhuar u llogarit në 12,504 milionë metër kub. Sa i përket TAP, aktualisht projekti është në fazën e zbatimit dhe po bëhen përgatitjet për ndërtimin e gazsjellësit, qëparashikohet të nisë në vitin 2016.
Pasi të ndërtohet, TAP-i do të ofrojë rrugën e transportit më të drejtpërdrejtë dhe më me efikasitet kostoje, duke hapur kështu Korridorin Jugor të Gazit, një sistem 4000 km i gjatë me vlera gazifikimi që shtrihet nga Deti Kaspik e deri në Europë.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.