Ekspertët: Rritja e pagave për shkak të nevojës për punonjës
Rritja më e madhe e pagave gjatë tremujorit të parë të këtij viti nuk ka ardhur nga pozicionet drejtuese, por nga profesionet e krahut të punës. Sipas ekspertit të punësimit Erion Muça, kjo vjen për shkak të nevojës që ka tregu i punës.
Por për çfarë profesionesh vuan më shumë tregu ynë? Për ekspertin, zgjidhja për të mbushur nevojat për punonjës, sidomos në shërbim dhe ndërtim, mbeten punonjësit e huaj.
Sipas të dhënave të INSTAT, paga mesatare në vend arriti në 90 mijë lekë, ndërkohë që mbi 26% e punonjësve paguhen me pagë minimale. Rritja më e madhe është regjistruar në sektorin e ndërtimit, ndjekur nga zejtarë, artizanë dhe më pas nga punëtorët dhe profesionet elementare.
Klan News
/tvklan.al
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.