Emërime dhe transferime në Policinë e Shtetit: ndryshime në Vlorë, Shkodër, Durrës dhe Tiranë

Policia e Shtetit ka bërë një valë emërimesh dhe transferimesh në nivele të ndryshme drejtimi, që prekin drejtoritë e Kufirit dhe disa komisariate vendore.

Sipas shqiptarja, Arbër Zemani është emëruar Drejtor i Kufirit në Vlorë, ndërsa ish-drejtori i këtij dikasteri është transferuar si specialist në Drejtorinë e Antiterrorit. Po ashtu, Agim Basha, i ardhur nga Akademia e Sigurisë, mori drejtimin e Kufirit në Shkodër.

Në Durrës, Altin Lila u emërua Drejtor i Kufirit, ndërkohë që ish-drejtori i kësaj strukture, Ermal Lila, u caktua specialist në Policinë e Shtetit. Ndërkaq në Tiranë, Alfred Cenaj zuri postin e shefit të Komisariatit të Policisë Nr. 2.

Këto ndryshime vijnë pas një serie emërimesh dhe lëvizjesh të brendshme që pasuan marrjen e detyrës së kryepolicit nga Skënder Hita, raporton shqiptarja.