EMRI/ Aksidenti i rëndë afër Rinasit, humb jetën gazetari! Shoferi tjetër në gjendje të rëndë te Trauma

Ndërron jetë një nga të plagosurit në aksidentin e rëndë të ditës së sotme pranë Rinasit (2 shtator).

Viktima e aksidentit tragjik është 26-vjeçari Xhesjon Zogu me profesion gazetar. Ai u aksidentua për vdekje mëngjesin e sotëm në afërsi të Vorës.

Përplasja mes dy automjeteve ka rezultuar fatale për gazetarin, i cili udhëtonte me një automjet tip “Land Rover”.

Pavarësisht përpjekjeve për t’i dhënë ndihmën e nevojshme dhe transportimit drejt Spitalit të Traumës, Xhesjon nuk ka mundur t’u mbijetojë plagëve të marra dhe ka ndërruar jetë gjatë rrugës.

Aksidenti u shkaktua nga një parakalim i gabuar që solli përplasjen e dy mjeteve kokë më kokë, ndërsa edhe drejtuesi i automjetit tjetër ndodhet në spital në gjendje të rëndë.