Enti i Revizionit: Gratë shumicë në sektorin publik, por jo në vendimmarrje — gjuha e urrejtjes pengesa më e madhe
Në vitin 2024 gratë ishin 39.2% në Kuvend dhe vetëm 15% në Qeveri; nga 58 pozita udhëheqëse që emërohen nga Kuvendi, vetëm 16 mbahen nga gra
Gratë përbëjnë shumicën në sektorin publik të Maqedonisë së Veriut, por jo në pozitat ku merren vendimet, tregon një raport i Entit Shtetëror të Revizionit (DZR), siç njofton agjencia MIA.
Sipas raportit, në vitin 2024 gratë ishin të përfaqësuara me 39.2% në Kuvend dhe me vetëm 15% në Qeveri, ndërsa nga 58 pozita udhëheqëse që emërohen nga Kuvendi, vetëm 16 mbahen nga gra.
Raporti thekson se gjuha e urrejtjes është një nga pengesat më të mëdha për pjesëmarrjen e grave në funksione të larta drejtuese.
Gjetjet pritet të nxisin debat publik për masa konkrete për rritjen e përfaqësimit të grave në vendimmarrje, në një kohë kur barazia gjinore në institucione mbetet temë e hapur.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.