Erla-Berishës: I druheni një skenari serb në Shqipëri që fshin opozitën?

Gjatë intervistës së zhvilluar këtë të enjte në emisionin “Now” në Euronews Albania, kreu i PD-së, Sali Berisha u pyet nga moderatorja Erla Mëhilli mbi mundësinë e një skenari të ngjashëm me atë të Serbisë në zhvillimet politike.

Berisha hodhi poshtë çdo paralelizëm mes dy vendeve, duke e cilësuar lëvizjen serbe si një lëvizje e udhëhequr nga një sektor shtetëror siç ishte rektorati. Ai theksoi se Lëvizja Studentore në Shqipëri ka një histori tjetër dhe se protestat erdhi pas thirrjes nga kryetari i sindikatave të pavarura të universitetit.

Pjesë nga diskutimi:

Erla: I druheni një skenari serb zoti Berisha ajo që ndodhi në Serbi që lista u kthye me një alternativë politike por fshiu edhe opozitën?

Berisha: Po, po e provuan ata pikërisht ata pikërisht skenarin serb. Por një gjë të them skenari serb nuk është ky që lexohet sot. Lëvizja Studentore serbe ishte lëvizje e udhëhequr nga rektori i universitetit siç është rektori i Universitetit të Tiranës.

Dhe ai rektor që është e vërteta ishte i emëruar i Aleksandër Vuçiç. Dekantët e atyre fakulteteve ishin të emëruar të presidentit të republikës, të presidentit të Serbisë dhe ai ata udhëhoqin lëvizjen. Ajo lëvizje e udhëhequr pra nga një sektor shtetëror siç ishte rektorati, ata shkarkuan rektorin katër muaj përpara sepse doli që ai siç ishte implikuar me pasqyrën e Danubit të projektit të Alalabarit.

Dhe zgjodhën këtë zotin Sedanoviç të kardiologun e Novi Sadit. Pra ajo lëvizje kur krahason të pakrahasueshmet ndërton një piramidë mashtrimi. Asnjë lloj krahasimi me një lëvizje të jashtëzakonshme tre javore në Tiranë.

Lëvizja studentore ka historikun e vetë dhe ata që përpiqen të falsifikojnë dhe të mashtrojnë historikun e saj, ata do marrin atë që meritojnë. Ajo lëvizje, të lutem, është thirrur nga kryetari i sindikatave të pavarura të universitetit.

Ai ka njoftuar, ka thirr protestë studentore me datën 13 tetor për kërkesat që kjo sindikatë i kishte dorëzuar kohë më parë Ministrisë së Arsimit”, tha ai.