Është në spital që kur ka lindur, babai i dhuron kostumin e Iron Man, për t’i dhënë kurajë

Një fëmijë në Nju Jork ka lindur përpara 4 muajsh por nuk ka dalë kurrë nga spitali. Si pasojë e kësaj babai i foshnjës i kishte përgatitur për Halluin një kostum të Iron Man, për t’i dhënë kurajë.

Vogëlushi Erik Hart Collier ka lindur përpara kohe, e fakti që  mushkëritë e tij nuk janë të zhvilluara, nuk lejon mjekët ta nxjerrin nga spitali. Babai është përpjekur që atij të mos i mungojë asgjë, madje as gëzimi i festimit të Hallunit të tij të parë dhe i përgatiti kostumin që ishte i përshtatshëm për rastin.

Iron Man (Burri i Hekurt), është një hero që mposht të keqen dhe nuk i frikësohet askujt, kështu që prindi krijoi një superhero të vogël që t’i jepte kurajë foshnjës. Kujdesi afat-gjatë mund të bëjë që Erik të shkojë në shtëpi për Krishtlindje.