Euro në 94.8 lekë, minimum i ri historik

Euro ka zbritur në një tjetër minimum historik në tregun vendas valutor. Nga rreth 96.9 lekë në fillim të vitit, monedha europiane këmbehet sot me 94.8 lekë, duke humbur mbi 2 lekë ose rreth 2.2% të vlerës së saj në vetëm gjashtë muajt e parë të vitit. Ekspertët e lidhin këtë ecuri me hyrjet e larta valutore nga turizmi, remitancat dhe investimet e huaja.

Edhe pse vera tradicionalisht sjell më shumë valutë në ekonomi, mbetet për t’u parë nëse euro do të vijojë të humbasë terren apo do të stabilizohet në nivelet aktuale. Ndërkohë, zhvlerësimi i saj vijon të ndikojë ndryshe sektorë të ndryshëm të ekonomisë.

Për familjet që kanë kredi apo të ardhura në lekë, një euro më e dobët ul kostot e produkteve të importuara. Në anën tjetër, eksportuesit dhe bizneset që sigurojnë të ardhura në euro përballen me presion më të madh mbi fitimet e tyre.

Tv Klan

/tvklan.al