EURODIZELI MBETET ME TË NJËJTËN ÇMIM, BENZINA ULET ME 2 CENTË

_{Foto: Shutterstock}

Çmimi i naftës dizel në Mal të Zi do të mbetet i pandryshuar gjatë shtatë ditëve të ardhshme dhe do të kushtojë 1.87 euro për litër, njoftoi Ministria e Energjisë dhe Minierave.

Ndërkohë, të dy llojet e benzinës do të ulen me 2 centë. Eurosuper 98 do të kushtojë 1.76 euro, ndërsa Eurosuper 95 do të shitet për 1.72 euro për litër.

Në anën tjetër, nafta për ngrohje do të shtrenjtohet me 16 centë, duke arritur në 1.94 euro për litër.

Çmimet e reja do të jenë në fuqi nga 8 deri më 14 shtator, ndërsa përllogaritja e ardhshme e çmimeve maksimale me pakicë do të bëhet më 14 shtator.