Euroizimi i sektorit bankar u ul për të tretin vit radhazi në 2025

Euroizimi i kredisë në sistemin bankar shqiptar u ul gjatë vitit 2025, duke shënuar rënien e tretë vjetore radhazi. Në fund të vitit, kredia në valutë të huaj përbënte 44.2% të portofolit total të sektorit bankar, nivel që është 1.1 pikë përqindje më i ulët se një vit më parë.

Sipas shifrave të Bankës së Shqipërisë, në terma relativë pjesa e kredisë në valutë u tkurr, edhe pse në vlera absolute kreditë në valutë raportuan rritje, raporton monitor.

Ndryshimi pasqyron një zhvendosje të strukturës së portofolit kreditues gjatë vitit, me përqindjen e kredive në lek që ka rritur peshën e saj në total. Efekti është një ulje graduale e varësisë së sistemit bankar ndaj huasë në valuta të huaja, megjithë rritjen nominale të kredisë në valutë.

Kjo tkurrje e euroizimit për vitin 2025 përfaqëson rënien e tretë radhazi të këtij treguesi dhe tregon vazhdimin e trendit të de-euroizimit të sektorit bankar, sipas të dhënave të publikuara; raporton monitor.