Fati “ndëshkon” Tiranën, serbët e Crvena Zvezdës mposhtin kryeqytetasit me një rast të vetëm…
Tirana nuk arriti të mposhtë armatën serbe të Crvena Zvezdës, pasi u mposht me rezultatin 0-1 në stadiumin “Air Albania Stadium”.
Rastet e realizuara nga Muçi, Cale dhe Hoxhollari, ishin të pamjaftueshme për të shpallur fituese Tiranën, ndërsa nga krahu tjetër lojtarët e “yllit të kuq të Beogradit” arritën të finalizonin rastin e vetëm në portën e portierit Lika. Kujtojmë se talenti Muçi pati dy raste të mira shënimi në të dyja pjesët e lojës.
Në të parën, sulmuesi goditi mjaft bukur nga jashtë zone, ndërsa portieri kundërshtar u kundërpërgjigj po aq mirë. Ndërsa pak minuta më vonë, goditja e dënimit e realizuar nga Hoxhallari për pak sa nuk përfundoi në rrjetë. Kaq për pjesën e parë, për të kaluar në të dytën e cila do t’i gjente kryeqytetasit në portën kundërshtare.
Muçi pasi shmangi mbrojtësin kundërshtar, iu mohua goli nga shtylla. Ndërsa në minutën e ’62-të, Tomane mposht portierin Lika, në të parin rast për ekipin e tij. Kështu Tirana eliminohet nga “Uefa Champions League”, duke u zhvendosur një shkallë më poshtë, në “Europa League”, e për të luajtur shanset në trofeun e dytë më të rëndësishëm në Evropë.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.