Financial Times: Protestat nuk e lëkundin Ramën, as rrugën e Shqipërisë drejt BE-së! Opozita është po aq e pabesuar nga

Liderët evropianë diskutuan këtë javë në Bruksel për zgjerimin e BE-së, një proces që e ka lënë Ballkanin Perëndimor prej kohësh në pritje të një perspektive reale anëtarësimi.

Shqipëria ka mbyllur vitet e fundit shumë kapituj të procesit të aderimit dhe është afër kalimit të standardit të rëndësishëm të BE-së për shtetin e së drejtës, IBAR-it.

Mario Bikarski, analist i lartë në kompaninë e inteligjencës së rrezikut Verisk Maplecroft, tha se ndonëse protestat ishin sfida më e madhe me të cilën është përballur Rama në 13 vitet e tij në pushtet, ato nuk kishin gjasa të lëkundnin pozitën e tij si kryeministër apo të nxirrnin nga binarët kandidimin e Shqipërisë për në BE.

“Në Shqipëri ka një konsensus të fortë se anëtarësimi në BE është pozitiv dhe i mirëpritur,” tha ai, duke shtuar se kryeministri mund të duhet të bëjë lëshime ndaj protestuesve, si për shembull heqja dorë nga planet shumëmiliardëshe të zhvillimit bregdetar.

“Në të kaluarën, Rama ka treguar një rezistencë të jashtëzakonshme ndaj sfidave të ndryshme,” tha ai. “Opozita është po aq e pabesuar nga protestuesit dhe është e vështirë të shihet një alternativë ndaj një qeverie Rama tani për tani.” /Financial Times/