Formularët e dekriminalizimit, KQZ vendos për fatin e mandateve të 48 këshilltarëve bashkiakë

KQZ, u mblodh për të vendosur për fatin e mandateve te 48 antarëve të Këshillave bashkiake në rang vendi, të cilet ose nuk e kane dorezuar formularin ose kanë patur pasaktësi. Edhe pse disa prej anëtarëve, c’do formë të shkeljes së ligjit e njëhsonin me përfundimin e mandatit të këshilltarit, interpretimi i Kryetares së KQZ, qëllimin e ligjit e sheh diku tjetër.

Në bazë të tre kategorive u votua për mandatet e 48 këshilltarëve, ku 18 të tillëve në rang vendi iu hoq mandati pasi nuk kishin dorëzuar fare formularin e vetëdeklarimit.

Për këshilltarët bashkiak të cilët nuk kanë zbatuar afatin ligjor të datës 4 maj për dorëzimin e formularit, apo e kanë dorëzuar atë, gabimisht, pranë Departamentit të Administratës Publike, i cili nuk ka tagrin të mbledhë formularët e funksionarëve të zgjedhur, KQZ vendosi pranimin e formularit dhe verifikimin e mëtejshëm të mandatit. I tillë ishte edhe rasti i këshilltarëve në Bashkinë e Tiranës, ish kandidates për rektore, Klodeta Dibra dhe biznesmenit Luan Bregasi.