Franca “e paralajmëruar”: Argjentinasi Tello për ndeshjen ndaj Marokut, mban rekordin për kartonët e kuq

Facundo Tello i Argjentinës do të jetë gjyqtari që do të vendosë drejtësi sot në mbrëmje (ora 22:00) në përballjen mes Francës dhe Marokut, çerekfinalen e parë të Kupës së Botës.

Ky emërim nuk do të kalojë pa u vënë re, duke pasur parasysh se “Les Bleus” konsiderohen një nga dy finalistët e mundshëm, së bashku me Argjentinën.

Tello sigurisht që ka karakterin për të përballuar atë që premton të jetë një ndeshje me intensitet të lartë. Gjatë gjithë karrierës së tij, ai nuk ka hezituar kurrë të nxjerrë kartonë të kuq, duke vendosur një rekord prej dhjetë përjashtimesh gjatë një ndeshjeje Boca Juniors-Racing Club në vitin 2022.

Lojtarët francezë, nga ana e tyre, po e zbusin polemikat rreth Tello: “Nuk duhet të biem në paranojë“, paralajmëron portieri i tretë Robin Risser, duke theksuar se “nëse këta gjyqtarë janë aty, kjo është sepse janë të aftë për detyrën“.