Gazetarja e RTK’së: Ku e mori vesh Dardan Molliqaj që kanë pushuar hetimet për bombën në shtëpinë time

Gazetarja Murtezi-Shala, në një reagim të saj, pyet se si ka mundësi që ajo dhe familja e saj nuk janë informuar për hetimet, derisa një person zyrtarë i një partie ka dijeni për to, ose shpif.

Ndryshe, reagimin bashkëshortja e drejtorit të RTK’së e ka bërë në ditën kur u bënë një vit nga sulmi me bombë në shtëpinë e Mentor Shalës.

Ky është reagimi i saj i plotë: 

Vjet në këtë ditë gjuajtën bombë në shtëpinë time, aty ku ishin edhe 3 fëmijët e mi. Aty ku, në anën tjetër të shtëpisë ishte një grua shtatzënë dhe dy fëmijë të vegjël të saj. Edhe sot, pas një viti, asnjë informatë nga gjyqësia jonë se çka ka ndodh me rastin tonë. Përveç në natën kur edhe eksplodoi bomba e u pyet bashkëshorti im, asnjë anëtarë tjetër i familjes që atë natë ishin në shtëpi nuk u pyet. Kjo nuk ju duket e rëndësishme, madje as nuk i quajnë argumente njerëzit që janë betuar se do të ndajnë drejtësi.

Në media është thënë nga Dardan M… që hetimet për rastin në shtëpinë time kanë pushuar. Nje pyetje për gjyqësorin e Kosovës:

Të nderuar, nëse kanë pushuar hetimet, si është e mundur ta dijë një zyrtarë i VV-së e ne si familje e dëmtuar nuk e dijmë?

Nëse nuk kanë pushuar, a ka nisur ndonjë proces gjyqësot kundër Dardan M…. për deklarata të rreme ose shpifje??

Tash s’po di ma çka me than a e ka kap VV drejtesinë apo drejtësia VV-në?

E rëndësishme që po dëshmohet çdo ditë që janë të KAPUR.

Hajr ishalla