GJENEVË: SHBA bojkoton Konferencën e Çarmatimit të kryesuar nga Venezuela

SHBA-ja u largua sot nga takimi i Konferencës për Çarmatimin, organizuar nga OKB-ja në Gjenevë, pas marrjes së presidencës së radhës nga Venezuela, një shtet i cilësuar ”i jashtëligjshëm” nga ambasadori amerikan.

”Ajo që ndodh aktualisht këtu është një sulm propagande”, u shpreh në një prononcim për median ambasadori amerikan Robert Wood, pas largimit nga salla.

”Cilado qoftë tema e diskutimit aty brenda apo vendimet që do të merren, kjo nuk do të ketë asnjë bazë ligjshmërie pasi ky është një regjim i paligjshëm, që po kryeson këtë organ”, shtoi ai, duke iu referuar qeverisë së presidentit venezuelian, Nicolas Maduro.