Gjosha me eurodeputetët për anëtarësimin

Ministrja e Integrimit, Klajda Gjosha vijon takimet në Bruksel në kërkim të marrjes së rekomandimit pozitiv nga Bashkimi Europian për hapjen e bisedimeve të anëtarësimit.

Të premten, ministrja u takua me eurodeputetët Knut Fleckenstein dhe Eduard Kukan.

Në takim, dy eurodeputetët vunë theksin tek reforma në drejtësi, ku më shumë sesa miratimi i saj, rëndësi ka zbatimi.

Ndërkohë, vetë ministrja Gjosha tha se mbyllja e kësaj reforma, që pritet të votohet në Kuvend më 6 tetor, kërkon vazhdimin e dialogut politike.

Të enjten, ministrja Gjosha u takua me Komisionerin e Zgjerimit Johannes Hahn. Edhe Komisioneri e vuri theksin tek reformat, ndërsa ministrja e Integrimit tha se rekomandimi për hapjen e bisedimeve të anëtarësimit është shtysa më e mirë për zbatimin e reformave.