Haradinaj: Seanca për qeverinë ndoshta nesër, por partitë nuk m’i kanë sjellë ende emrat e ministrave
Mandatari për formimin e qeverisë, Ramush Haradinaj, ka thënë se Marrëveshja për Demarkacionin me Malin e Zi ka gabime. Haradinaj ka thënë se qëllimi i tij është ta përmirësojë këtë marrëveshje.
“Kufiri i Kosovës është Çakorr dhe Kullë. Dallimi do të jetë se nuk do t’i humbim kohë vendit. E mendoj shpejt zgjidhjen e kësaj teme dhe nuk do të jetë pengës kjo temë”, ka thënë Haradinaj në një konference për media.
Tutje, ai ka bërë me dije se janë duke i bërë përgatitjet e nevojshme për seancën ku do të votohet qeveria.
“Seanca mund të jetë nesër pasdite. Besoj se jemi në rregull. Por, partitë ende nuk m’i kanë sjellë emrat e ministrave”, ka shtuar Haradinaj.
Duke folur për ikjen e qytetarëve nga vendi, Haradinaj është zotuar se qytetarët e vendit do ta kenë zgjedhjen këtu.
“Do të jem i hapur. Do t’i pres për të krijuar zgjidhje në vend. Ju bëj thirrje të rinjve ta kthejnë shpresën në këtë vend dhe këtu më së shumti ka vlerë vetja jonë”, ka theksuar Haradinaj.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.