Heshtja në pub-e dhe festë në rrugë, Holanda u zgjua sot me ndjenja… të përziera

Botërori në Meksikë, SHBA dhe Kanada ka bërë që shumë ndeshje të luhen në orare të pazakonta për Europën. Por ky nuk ka qenë i vetmi problem për holandezët, të cilët janë zgjuar sot festa e tifozëve të komunitetit maroken.

Globalizimi bëri që ata që vendosën të mos zgjoheshin sot në orën 03:00 të mëngjesit të mos kuptonin se cila prej skuadrave ishte kualifikuar.

Në njërin prej pub-eve të qytezës së Lutjebroek-ut, në veri të Holandës, tifozët “tulipanë” kanë ndjekur ndeshjen, e cila zgjati për 120’ dhe pas goditjeve të penalltive janë nisur direkt për punë, por mes tyre kishte edhe fatlumë. “Shefi im më ka dhënë leje që sot të punoj nga shtëpia”, tha një tifoz i intervistuar në ambientet e “Café De Paus”.

Por heshtjes dhe dëshpërimit të tifozëve të Holandës i bënë kontrast tifozët e Marokut në Roterdam, njëri prej qyteteve që numëron një komunitet të konsiderushëm marokenësh. Policia është munduar të frenojë entuziazmin, i cili herë pas here kaloi edhe limitet… A.V.