Homazhe për kriminelin e luftës Ratko Mlladiç, Dodik dhe zyrtarë të lartë marrin pjesë në shërbesën përkujtimore

Një shërbim përkujtimor për kriminelin e luftës të dënuar Ratko Mlladiç u mbajt në Katedralen e Krishtit Shpëtimtar në Banja Luka.

Në shërbesë morën pjesë figura të larta politike dhe ushtarake, përfshirë ministrin e Punës dhe Mbrojtjes së Veteranëve të Republikës Srpska, Radan Ostojic, ministrin e Punëve të Brendshme të RS-së, Zeljko Budimir, kreun e Organizatës së Veteranëve të RS-së, Milovan Gagic, si dhe kreun e Aleancës së Social Demokratëve të Pavarur, Milorad Dodik.

Përpara shërbimit, zyrtarë të tjerë, përfshirë kryeministrin e Republikës Srpska, Savo Miniç, u mblodhën për të ndezur qirinj në kujtim të Mlladiçit. Homazhe të ngjashme u organizuan edhe në Trebinje.

Ratko Mlladiç u dënua me burgim të përjetshëm nga Tribunali Ndërkombëtar Penal për ish-Jugosllavinë në Hagë për gjenocid në Srebrenicë, krime kundër njerëzimit dhe krime lufte gjatë konfliktit në Bosnjë. Mlladiç vdiq në paraburgimin e Hagës, ku po vuante dënimin.