Importet e shtatorit shkojnë në pikiatë, rënia me 7.4%

Importet nga jashtë vendit kanë shfaqur dobësi këtë vit për shkak të rritjes së prodhimit vendas kryesisht të energjisë, por gjatë muajt shtator rënia ka shkuar në pikiatë duke shënuar ulje 7.4% në krahasim me shtatorin 2014, ku vërehet se janë prekur edhe grup mallrat që ishin në trend rritës gjatë vitit, duke sinjalizuar në rënie të fortë të konsumit.

Në publikimin e tregtisë së jashtme për muajin shtator INSTAT njoftoi se shumica e zërave janë më rënie. Ushqimet pijet alkoolike ranë me -4.7 %, mineralet dhe lëndët djegëse vijuan rënien me – 93%. Materialet e ndërtimit ranë me mbi 13 %, prodhimet e drurit dhe të letrës me -7.8%.
Këtë muaj shënuan rritje vetëm importet e tekstileve dhe të këpucëve, që lidhen me faktorë sezonale dhe importet e lëkurës të cilat janë një sinjal pozitiv që industria e prodhimit të këpucës në vend do të ketë më shumë volume pune.

Treguesit e importit të shtatorit janë një sinjal jo pozitiv që reflekton rënien e konsumit. Grupi Ushqime pije duhan alkoolike që ka pësuar një rritje vjetore me 4.5%, në muajin shtator ka pësuar rënie me -4%. Ndërsa importuesit kanë pohuar më parë për “Monitor” se aksioni antinformaltet ka ngrirë tregtinë e për pasojë priten më pak importe.

Në muajin shtator 2015, vendet me të cilët Shqipëria ka pasur rritje më të madhe të importeve, në krahasim me Shtator 2014 janë: Turqia me 16,1 %, Kina me 3,1 % dhe Gjermania me 1,6 %. Ndërsa vendet me të cilat importet kanë pasur uljen më të madhe janë: Italia me 13,5 %, Greqia me 22,6 % dhe Serbia me 28,7 %