INSTAT: Në shtator defiçiti tregtar është 26 miliard lekë

Në muajin shtator 2014 eksportet e mallrave arritën vlerën 21 miliard lekë, duke u ulur me 0,4 % në krahasim me shtator 2013 dhe duke u rritur me 14,5 % në krahasim me gusht 2014. Rënie më të madhe vjetore ka patur në eksportet e grupeve “minerale, lëndë djegëse, energji elektrike” me 34,5 % dhe “lëkurët dhe artikujt prej tyre” me 7,7 %. Rritje më të madhe vjetore patën eksportet e grupeve “tekstile dhe këpucë” me 27,5 % dhe “makineri, paisje dhe pjesë këmbimi” me 25,3 %. Në muajin shtator 2014 importet e mallrave arritën vlerën 47 miliard lekë, duke u rritur me 12,2 % në krahasim me shtator 2013 dhe me 6,0 % në krahasim me gusht 2014. Rritje më të madhe vjetore ka patur në importet e grupeve “tekstile dhe këpucë” me 28,0 %, “lëkurë dhe artikuj prej tyre” me 25,8 % dhe “produkte kimike dhe plastike” me 23,4 %. Rënie më të madhe vjetore pati në importet e grupit “minerale, lëndë djegëse, energji elektrike” me 4,7 %. Defiçiti tregtar i këtij muaji është 26 miliard lekë, duke shënuar një rritje me 25,2 % krahasuar me shtator 2013 dhe duke shënuar një rënie me 0,1 % në krahasim me gusht 2014. Shkëmbimet tregtare me vendet e BE zënë 64,8 % të të gjithë tregtisë. Partnerët kryesorë tregtarë janë Italia (36,8 %), Greqia (7,2 %), Turqia (7.2 %) dhe Kina (6,1 %)