IRAN – Sulme amerikane në Bushehr pranë centralit bërthamor

TEHERAN, 20 korrik /ATSH-AFP/ – Sipas raportimit të medias shtetërore iraniane IRNA, forcat amerikane kanë kryer sot në mëngjes sulme të reja ndaj disa objektivave në qytetin port të Bushehrit, ku ndodhet i vetmi central bërthamor civil funksional i Iranit.

Guvernatori i qytetit, Mohammad Mozaffari, tha se “disa zona të qytetit të Bushehrit u goditën nga predha të lëshuara nga armiku amerikan”.

Kjo vjen në një kohë kur luftimet mes SHBA-së dhe Iranit janë përshkallëzuar ndjeshëm. Raportime të tjera ndërkombëtare konfirmojnë se shpërthime janë dëgjuar në zonën e Bushehrit, por nuk ka ende konfirmim të pavarur se reaktori bërthamor është goditur drejtpërdrejt ose ka pësuar dëme.

Bushehri është një objekt me rëndësi të madhe strategjike dhe energjetike, pasi strehon centralin e vetëm bërthamor civil në funksion të Iranit.

Çdo sulm në afërsi të tij ngre shqetësime serioze për sigurinë bërthamore dhe rrezikun e një përshkallëzimi të mëtejshëm të konfliktit.  /Ad.Ab./ a.jor.