Irani hedh poshtë pretendimet e Emirateve të Bashkuara për tre ishujt strategjikë pranë Hormuzit

Diplomati iranian Kazem Gharibabadi hodhi poshtë pretendimet e bëra nga Emiratet e Bashkuara Arabe në Asamblenë e Përgjithshme të Kombeve të Bashkuara mbi tre ishujt e kontestuar strategjikë pranë Ngushticës së Hormuzit, siç njofton Al Jazeera. Në një postim në platformën X, Gharibabadi, zëvendësministër i Jashtëm i Iranit për çështjet ligjore dhe ndërkombëtare, hodhi poshtë pretendimin e bërë nga një zyrtar emiratës për sovranitetin iranian mbi ishujt Abu Musa, Tunbi i Madh dhe Tunbi i Vogël.

“Zyrtarët emiratës, në vend që të përsërisin pretendime të pabazuara, duhet t’u përmbahen kërkesave të fqinjësisë së mirë”, shkroi ai, duke iu përgjigjur diskutimit të ngritur nga pala emiratase në skenën ndërkombëtare të OKB-së.

Mosmarrëveshja mbi të tre ishujt pranë Ngushticës së Hormuzit daton që nga viti 1971, kur forcat iraniane morën kontrollin e tyre pas tërheqjes së forcave britanike nga Gjiri Persik. Abu Dabi e ka kontestuar vazhdimisht kontrollin iranian — duke argumentuar se ishujt u morën në mënyrë të paligjshme — dhe ka përdorur platforma ndërkombëtare, përfshirë Asamblenë e Përgjithshme të OKB-së, për të kërkuar kthimin e tyre.

Pretendimi i ri emiratës vjen në një moment kur Ngushtica e Hormuzit është në qendër të luftës shtatë-mujore mes Shteteve të Bashkuara dhe Iranit, duke e bërë çështjen e ishujve një pikë shtesë tensioni rajonal.