Irani: Lufta Izrael-Hezbollah, çështje e ndërlikuar. Marrëveshja do të arrihet në ditët në vijim

Zëdhënësi i Ministrisë së Jashtme të Iranit, Esmaeil Baghaei ka deklaruar se Shtetet e Bashkuara duhet të detyrojë Izraelin të ndalojë sulmet e tij në Libanin jugor.

“Ne të gjithë kemi qenë dëshmitarë të sulmeve të vazhdueshme nga entiteti sionist ndaj Libanit”, tha Baghaei.

“Detyrimi për t’i dhënë fund luftës në Liban është pjesë përbërëse e marrëveshjeve të mëparshme dhe aktuale. Angazhimi i SHBA-së është i qartë dhe nuk ka asnjë justifikim që entiteti sionist të vazhdojë të sulmojë Libanin”, shtoi ai.

Baghaei e quajti luftën Izrael-Hezbollah një “çështje shumë të ndërlikuar”, por shtoi se marrëveshjet përfundimtare do të arrihen gjatë ditëve në vijim.