Irlanda mbështet çeljen e negociatave të anëtarësimit në Bashkimin Evropian të Shqipërisë dhe vijimin e procesit të zgjerimit me vendet e Ballkanit Perëndimor
Ambasadorja e re e Irlandës, Orla O’Hanrahan, i paraqiti Letrat Kredenciale, Presidentit të Republikës Ilir Meta
Presidenti Meta vlerësoi marrëdhëniet miqësore e të bashkëpunimit midis dy vendeve, si dhe mbështetjen pa rezerva që Irlanda i ka dhënë Shqipërisë, si për anëtarësimin në NATO ashtu edhe për integrimin në BE.Duke u ndalur në procesin e integrimit evropian, Presidenti Meta, shprehu mirënjohjen për qëndrimin e deklaruar nga Irlanda në mbështetje të çeljes së negociatave të anëtarësimit në Bashkimin Evropian të Shqipërisë dhe vijimit të procesit të zgjerimit me vendet e Ballkanit Perëndimor.
Nisur nga niveli i ulët i shkëmbimeve ekonomike e tregtare, Presidenti Meta nënvizoi nevojën për një vëmendje më të madhe në këtë drejtim dhe eksploruar më mirë potencialet reale që të dy vendet kanë.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.