Ish-ndihmësi i Guardiolës: Po, e shoh Haaland te Barcelona. Atij i pëlqen shumë kjo gjë

Carles Planchart, ish-analist videosh i Pep Guardiolës, shpjegoi në “La Posesión de SPORT” prapaskenat e negociatave për Erling Haaland dhe një kalim të mundshëm te Barcelona.

Ai tha se në mars u zhvillua një takim me rrethin e Haaland për ta vendosur Barcelonën si destinacion prioritar nëse largohej nga Manchester City gjatë fushatës zgjedhore të Víctor Font.

“Ka pasur një takim në mars. Ishte për të parë nëse Haaland donte të largohej nga City dhe t’i jepej përparësi Barçës… Në atë kohë kjo çështje shërbente si kundërpeshë elektorale. Nëse duhet të presim, presim. Lojtarët kanë kontrata”.

Ai shtoi se Haaland do ta shihte mirë La Liga-n dhe se i pëlqen ideja e lojës në Spanjë: “E shoh Haaland te Barça, është sulmues zone. Jam i bindur se do t’i pëlqente Spanja”. Sipas tij, Real Madridi nuk është opsion ideal për shkak të pranisë së Kylian Mbappé dhe stilit të lojës.