ITALI – Shira të rrëmbyeshëm dhe stuhi godasin vendin, ndërprerje të energjisë elektrike dhe evakuime

ROMË, 21 gusht /ATSH-AA/ – Pas valëve të zgjatura të të nxehtit, Italia është tani nën alarmin e motit pasi shiu i dendur dhe stuhitë shkaktojnë rrëshqitje dheu dhe përmbytje, duke detyruar evakuimet, sipas raportimeve të mediave të premten.

Një kamping me 250 turistë u evakuua në Luginën Brembana në rajonin verior të Lombardisë për shkak të përmbytjeve të enjten, njoftoi transmetuesi publik Rai News.

Ndërkohë, rajoni qendror i Toskanës u godit nga 8 000 rrufe në dy orë dhe rreth 6 000 banorë përjetuan ndërprerje të energjisë elektrike të shkaktuar nga stuhitë.

Sipas raportit, një alarm portokalli u lëshua në orën 03:00 për rajonin e Ligurias qendrore dhe lindore, ku ndërprerjet e para tashmë janë raportuar për shkak të shiut të dendur dhe rrebesheve.

Autoritetet kanë mbyllur përkohësisht autostradën Aurelia në zonën Savona, pranë urës mbi përroin Quiliano.

Brescia është një tjetër zonë veriore e goditur nga shiu i dendur, pasi 81 persona u evakuuan pas një rrëshqitjeje dheu që shkatërroi urën mbi përroin Val Rabbia.

Një rrëshqitje dhe mbeturina dy metra e lartë rrodhi poshtë rrjedhës së Malga Bedole, në Luginën e Genova-s, për shkak të motit të ashpër që goditi Trentino-n.