Iu vodhi me dhunë varëset e floririt 2 grave në rrugë, arrestohet 40-vjeçari

Një 40-vjeçar është arrestuar nga Policia e Durrësit, pasi dyshohet se u ka vjedhur me dhunë varëset e floririt dy shtetaseve në rrugë.

Ngjarja e fundit është regjistruar në lagjen nr. 5 të Durrësit, ku 40-vjeçari dyshohet se i ka marrë me forcë varësen një gruaje. Policia ndërhyri menjëherë pas marrjes së njoftimit dhe bëri të mundur kapjen e autorit në flagrancë.

Materialet procedurale i janë referuar Prokurorisë së Durrësit për veprime të mëtejshme.

Durrës

Iu vodhi me dhunë varëset e floririt, 2 shtetaseve, në rrugë, kapet në flagrancë dhe vihet në pranga 40-vjeçari.

Shërbimet e Komisariatit të Policisë Durrës, menjëherë pas marrjes së njoftimit se në lagjen nr. 5 Durrës, një shtetaseje i kishin vjedhur me dhunë varësen e floririt, kanë organizuar punën për identifikimin dhe kapjen e autorit.

Si rezultat i veprimeve të shpejta, u kap dhe u vu në pranga shtetasi P. C., 40 vjeç, banues në Shkodër.

Ky shtetas u kap në flagrancë nga shërbimet e Policisë, dje, në lagjen nr. 5, Durrës, ku dyshohet se i vodhi me dhunë, nga qafa, varësen e floririt, një shtetases R. T.

Nga verifikimet rezultoi se shtetasi P. C. ishte shpallur në kërkim, pasi dyshohet se më datë 02.10.2026, në lagjen nr. 5, Durrës, i ka vjedhur me dhunë, nga qafa, varesën e floririt, shtetases Gj. J.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.