IZRAEL – Netanyahu ndalon sulmet ndaj fushave të gazit në Iran pas kërkesës së Trump

TEL AVIV, 20 mars /ATSH/- Kryeministri i Izraelit, Benjamin Netanyahu tha dje në mbrëmje se Izraeli do të ndalojë sulmet e ardhshme ndaj fushave të gazit në Iran, pas kërkesës së presidentit amerikan, Donald Trump, sipas BBC.

Ai hodhi poshtë akuzat se kishte përfshirë Trump në luftën me Iranin.

Shpërthime u dëgjuan në Jeruzalem dhe Teheran, ndërsa ministri i Jashtëm iranian paralajmëroi se Teherani do të vepronte pa “asnjë kufizim” nëse do të kishte sulme të tjera ndaj infrastrukturës së tij.

Në orët e fundit, Emiratet e Bashkuara Arabe, Kuvajti, Arabia Saudite dhe Bahreini raportuan sulme me raketa dhe dron, të cilat Emiratet dhe Bahreini ia atribuan Iranit.

Agjencia amerikane për të drejtat e njeriut “Hrana” raportoi se numri i viktimave në Iran kishte arritur në 3 186 persona që nga fillimi i luftës më 28 shkurt.

Çmimi i gazit është rritur ndjeshëm në Britaninë e Madhe dhe Evropë pas sulmit në kompleksin energjetik të “Ras Laffan” në Katar, të cilin kryeministri i Katarit e ka quajtur një përshkallezim shumë të rrezikshëm nga iranianët. //a.i/